कुळाव्यतिरिक्त अन्‍य व्यक्तीला शेतजमिनीची विक्री
२३. कुळाव्यतिरिक्त
अन्‍य व्यक्तीला शेतजमिनीची विक्री
:
वाचा : महाराष्ट्र कुळवहिवाट व शेतजमीन अधिनियम कलम ३२ ग, ८४ क.
विलासरावांच्‍या
शेतजमिनीत किसन कायदेशीर कुळ होता. विलासराव आणि किसनचे संबंध सलोख्‍याचे नव्‍हते.
किसनला धडा शिकवण्‍यासाठी विलासरावांनी हरिभाऊंना ती जमीन विकत दिली.
सदर व्‍यवहाराची नोंदणीकृत कागदपत्रे
प्राप्त झाल्यानंतर तलाठी यांनी गाव नमुना ६ मध्ये त्याची नोंद घेतली. सर्व हितसंबंधीतांना नोटीस
बजावली.
सर्व हितसंबंधीत हजर राहिल्यानंतर
तलाठी भाऊसाहेबांनी त्यांची संमतीदर्शक स्वाक्षरी नोटीस पुस्तकावर घेतली.
मुदत कालावधी संपल्‍यानंतर
मंडलअधिकारी यांनी संबंधीत फेरफारवर 'महाराष्ट्र कुळवहिवाट व शेतजमीन अधिनियम, कलम ३२ ग विरूध्‍द
व्‍यवहार, महाराष्ट्र कुळवहिवाट व शेतजमीन अधिनियम,
कलम ८४ क अन्वये कारवाई होणेसाठी
प्रकरण तहसिलदार यांच्याकडे पाठवावे.
सबब नोंद रद्‍द.' असा शेरा लिहिला.
तलाठी भाऊसाहेबांना त्‍यांनी
सांगितले की, ' कुळवहिवाट व शेतजमीन अधिनियम हा कायदा कुळांच्‍या हक्‍कांचे
संरक्षण करण्‍यासाठी आणि त्‍यांच्‍या ताब्‍यात असलेली जमीन कोणी बेकायदेशीरपणे
हिरावून घेऊ नये या उद्‍देशाने तयार करण्‍यात आला आहे. जमीनमालकाने, कुळ कसत
असलेली जमीन, कुळाने खरेदी करण्‍यास नकार दिला तरीही शेतजमीन न्‍यायाधिकरणाच्‍या
परवानगीशिवाय अन्‍य व्यक्तीला विकत देण्‍यास कायद्‍याने मनाई केली आहे. आज जरी
किसनचे नाव इतर हक्‍कात कुळ म्‍हणून असले तरी ०१.०४.१९५७ या कृषक दिवशी, कुळ, तो
कायदेशीर पध्‍दतीने कसत असलेल्‍या जमीनीचा मालक झाला आहे असे गृहीत धरण्‍यात आले
आहे. कुळाने शेतजमीन न्‍यायाधिकरणाकडे अर्ज केल्‍यास, शेतजमीन न्‍यायाधिकरणामार्फत
कलम ३२-ग अन्वये जमिनीची किंमत ठरवली जाते. ही रक्‍कम कुळाने चलनाद्‍वारे शासकीय
तिजोरीत जमा केल्‍यानंतर त्‍याला कलम ३२-म अन्वये असलेले प्रमाणपत्र नोंदणीकृत
करुन दिले जाते. या प्रमाणपत्राची गाव दप्‍तरी नोंद घेतली गेली की कुळाला मालकाचा
दर्जा प्राप्त होतो.
कुळवहिवाट
अधिनियमाखालील कोणत्‍याही जमिनीची खरेदी किंवा विक्री शेतजमीन न्‍यायाधिकरणाच्‍या
परवानगीशिवाय होऊ शकत नाही त्‍यामुळे विलासरावांनी त्‍यांच्‍या शेतजमिनीची केलेली
विक्री बेकायदेशीर आहे. तात्‍काळ, कुळवहिवाट व शेतजमीन अधिनियम, कलम ८४ क अन्वये कारवाई होणेसाठी
प्रकरण तहसिलदार यांच्याकडे पाठवा.'
b|b
Comments