गर्भस्थ आपत्याच्‍या हिस्‍सा
१६. गर्भस्थ आपत्याच्‍या
हिस्‍सा :
वाचा : हिंदू वारसा कायदा १९५६ ; महाराष्ट्र जमीन महसूल अधिनियम १९६६, कलम १४९ व १५०.
सुधाकरराव हे गावातील खातेदार मृत्‍यूपत्र
न करता मयत झाले. त्‍यांच्‍या मृत्‍यूनंतर त्‍यांच्‍या सर्व मिळकतीचे
कुटुंबियांमध्‍ये कायदेशीर नोंदणीकृत वाटप करण्‍यात आले. या वाटपामध्‍ये मयत
सुधाकररावांच्‍या सुनेच्‍या गर्भात असलेले आपत्‍य, जे नंतर जिवंत जन्मले, त्‍यालाही
हिस्‍सा देण्‍यात आला होता.
सदर नोंदणीकृत वाटपाची कागदपत्रे प्राप्त
झाल्यानंतर तलाठी यांनी गाव नमुना ६ मध्ये त्याची नोंद घेतली. सर्व हितसंबंधीतांना नोटीस
बजावली.
नोटीस मिळाल्यावर मयत सुधाकररावांची
मुलगी, तलाठी यांच्‍याकडे सदर वाटप नोंदीविरूध्‍द तोंडी हरकत घेऊन आली.
योगायोगाने मंडलअधिकारी तलाठी
चावडीतच होते. त्‍यांनी तिच्‍याकडे चौकशी केली असता, तिने सांगितले की, ती
सुधाकररावांची मुलगी असून, सुधाकररावांच्‍या मृत्‍यूनंतर झालेल्‍या मिळकतीच्‍या
वाटपात तिला तिचा हिस्‍सा मिळाला आहे तथापि, या वाटपात सुधाकररावांच्‍या सुनेच्‍या
गर्भात असलेल्‍या आपत्‍याला, जे नंतर जिवंत जन्मले, त्‍यालाही हिस्‍सा देण्‍यात
आला होता, ते बेकायदेशीर असून, त्‍यावर तिची हरकत आहे. जी व्‍यक्‍ती जन्‍मलीच नाही
त्याला दिला गेलेला हिस्‍सा बेकायदेशीर आहे अशी तिची हरकत होती.
मंडलअधिकारी यांनी लगेच, हिंदू उत्तराधिकार
अधिनियम-१९५६
चे पुस्‍तक मागवले आणि त्‍यातील कलम २० चे मोठ्‍याने वाचन केले. त्‍यात नमूद होते
की, 'अकृतमृत्युपत्र खातेदाराच्या मृत्युसमयी जे अपत्य गर्भात होते व नंतर जिवंत
जन्मले, त्याला
किंवा तिला जणु काही अकृतमृत्यूपत्र व्यक्तिच्या मृत्यूपूर्वी जन्मले होते अशाच प्रकारे
अकृतमृत्यूपत्र व्यक्तीचा वारस होण्याचा अधिकार असेल.'
ही तरतुद वाचल्‍यानंतर मंडलअधिकारी
यांनी तिला सांगितले की, 'सुधाकररावांच्‍या सुनेच्‍या गर्भात असलेल्‍या आपत्‍याला
दिलेला हिस्‍सा कायदेशीर आहे, यानंतरही तुमची त्‍यावर काही हरकत असेल तर ती लेखी
द्‍या. मी केस चालवतो.'
कायदेशीर तरतुद ऐकून सुधाकररावांच्‍या
मुलीला कायदाही कळला आणि जर लेखी हरकत दाखल तर केसचा निकाल काय लागणार याची ही कल्‍पना
आली. तिने तिथून निघून जाणे पसंत केले.
b|b
Comments